O presidente andaluz medita convocar eleccións en xuño e nun día entre semana

O presidente da Junta de Andalucía, Juanma Moreno, segue sen desvelar a data das eleccións autonómicas. Insiste en que quere ter un novo goberno a finais do verán para poder aprobar uns novos orzamentos, algo que obrigaría a un adianto electoral en xuño.

Moreno non descarta listas conxuntas con Ciudadanos, e en canto a que domingo de xuño se poderían celebrar os comicios apuntou que, como xa fixera Díaz Ayuso en Madrid, existen outras posibilidades, mesmo celebralas un día entre semana.