O radar de Conxo, en Santiago, pon 1.500 multas ao mes de media

Un dos radares urbanos máis temidos de Galicia está en Santiago. Pon unha media de 1.500 multas ao mes.

Só no que levamos de ano, xa puxo máis de dez mil sancións, e iso a pesar de que estivo dous meses sen funcionar. Só o ano pasado rozou preto de vinte e catro mil sancións, e no que levamos de ano xa superou as dez mil. 

Ao principio este radar ía compartir localización co do Restollal e iría alternándose a súa localización, pero este ano non houbo tal alternancia. Moitos o descoñecen e confíanse. Outros non ven perigo neste tramo e consideran que o fin é totalmente recadatorio e que mesmo poderían propoñer poñer máis noutros puntos.