O refuxio Adopta Friol denuncia presións das administracións para devolver dous cans
O refuxio Adopta Friol denuncia presións das administracións para devolver dous cans
A Xunta e o Concello do Saviñao piden que Bimbo e Lola volvan onda o seu responsable
Os servizos xurídicos do Colexio de Veterinarios de Lugo daranlle apoio á colexiada
Bimbo e Lola foron rescatados hai máis dun ano nun club de alterne do Saviñao. Tras ser investigado o seu dono por abandono, fíxose cargo dos cans o refuxio Adopta Friol, que agora denuncia presións por parte da Xunta e do Concello para que lle devolva os animais ao que era o seu responsable.
Rebeca Corral, veterinaria de Adopta Friol: "Nós devolvemos os animais que vaian cun destino autorizado pola lei, e estes destinos son aos que animais van en acollida, ou ben en adopción ou ben a un centro rexistrado, como somos nós".
Sobre este caso, o Colexio de Veterinarios de Lugo púxose en contacto cos seus servizos xurídicos para asesorar a colexiada de Friol, a quen apoian ante as presións recibidas.
José Luis Benedito Castellote, presidente do Colexio de Veterinarios de Lugo: "Que se lle dea razón de onde van ir eses cans, ben a un centro de acollida, coma o seu, ou a un centro de adopción. Ela só pediu iso, e ante isto houbo presións".
Pola súa parte, dende o Concello do Saviñao sinalan que o caso de abandono xa prescribiu.
