O Sergas administrará aos bebés a vacina fronte ao pneumococo a partir do 15 de abril

O Sergas administrará a partir do 15 de abril aos bebés coa vacina 20 valente, a máis completa fronte ao pneumococo para aumentar a protección fronte a enfermidades leves do tracto respiratorio e formas graves como a pneumonía, a meninxite e a sepsis.

A vacina, que xa se administraba aos 65 anos e aos grupos de risco, está agora indicada por baixo dos 18 anos, polo que se incluirá nos menores que formen parte dos grupos de risco e no calendario galego de inmunización para os bebés con tres doses (aos dous, catro e seis meses de idade e cun reforzo aos 11 meses).

O Consello de la Xunta autorizou este xoves a subministración sucesiva da vacina por un valor estimado de 11,5 millóns de euros en dous anos.

Galicia substituirá a vacina 13 valente por esta máis completa que se comercializa na actualidade, cunha composición que protexe fronte a 20 serotipos. Entre as súas vantaxes contribúe a reducir a necesidade de uso de antibióticos e a resistencia a estes medicamentos.

A Xunta destacou que se estima que a vacina 20 valente pode chegar a unha protección catro veces maior que a 13 valente, tendo en conta os serotipos que circulan en Galicia.