O servizo de prevención de incendios incorporou hoxe mil traballadores, que estarán operativos ata outubro

O servizo de prevencion e defensa contra os incendios da Xunta incorporou hoxe mil traballadores que estarán operativos ata o 16 de outubro. 

Son fixos descontinuos que este ano estarán contratados oito meses. A maioría deles, un 84%,  son bombeiros forestais, pero tamén hai vixiantes, operadores de datos e técnicos. 

Estes efectivos súmanse aos outros dous mil traballadores que conforman o operativo autonómico que traballa na loita contra os incendios forestais.