O Supremo dálle a razón a un home de Valdoviño que denunciou os veciños por insultalo nas redes sociais

Condenan un home polos comentarios que publicaron terceiros na súa rede social. Sete anos de pesadelo son os que viviron Vicente e maila súa familia por mor da construción dun recinto cuberto nunha parcela lindeira á súa, en Valdoviño.

"Había que buscar un culpable e buscaron o débil", di Vicente Testa.

Contra eles, varias persoas publicaron nunha conta dunha rede social do seu veciño ameazas e comentarios vexatorios que mesmo os obrigaron a cambiar as súas rutinas.

Fartos da situación decidiron recorrer á xustiza. E agora, sete anos despois, o Tribunal Supremo dálles a razón. Vicente di que se senten agora "liberados por toda a presión que tiñamos e moi contentos... Remediando o que os está amolando e, ao mellor, enfermando"

Malia todo o vivido, Vicente di que non lle garda rancor a ninguén.