O Supremo emite unha orde de detención nacional contra Clara Ponsatí

O maxistrado do Tribunal Supremo Pablo LLarena acordou emitir unha orde nacional de detención contra a exconsellera catalá e eurodeputada de JxCat Clara Ponsatí por non xustificar a súa incomparecencia ante o xuíz o pasado 24 de abril.

Ponsatí estaba citada para que Llarena lle comunicase o seu procesamento por un delito de desobediencia, que non carrexa penas de prisión, pero a súa defensa alegou nun escrito presentado ese mesmo día que tiña dous compromisos en Bruxelas que resultaban "incompatibles" coa súa citación en Madrid.