O xabaril causa preto de dez accidentes ao día en Galicia
O xabaril causa preto de dez accidentes ao día en Galicia
Máis de 3.500 accidentes produciu o xabaril en Galicia o ano pasado, e este ano a cousa parece que vai a peor
O primeiro consello é gardar a calma e non intentar esquivalos; cando o choque sexa inminente, levante o pé do freo para que o frontal do coche se eleve
Cada vez é máis habitual, o choque co xabaril é a causa dunha media de dez accidentes diarios nas estradas galegas.
A maioría pode contalo, pero hai veces que un choque co xabaril provoca danos irreparables.
O ano pasado houbo máis de 3.500 sinistros deste tipo, e neste ano imos polo camiño de superar a cifra.
Ao atopalos, evitar, na medida do posible, as manobras bruscas. Levantar o pé do freo para que o frontal do coche se eleve e evitar que o animal golpee o parabrisas. Despois sinalar, chamar as autoridades e nunca achegarse ao animal, se só está malferido segue sendo un perigo.
Sobre todo entre lusco e fusco e nos meses de caza convén extremar as precaucións en todo tipo de vías para poder reaccionar a tempo ante calquera imprevisto.
