O xulgado declara falecidos os 12 desaparecidos do Villa de Pitanxo
O xulgado declara falecidos os 12 desaparecidos do Villa de Pitanxo
Os familiares terán un acceso máis rápido ás prestacións que lles corresponden
Familiares dos doce mariñeiros desaparecidos no naufraxio do arrastreiro Villa de Pitanxo informaron de que o Xulgado de Instrución número 2 de Vigo decretou o falecemento das persoas cuxos corpos non foron atopados tras a traxedia.
O xulgado aínda non o notificou oficialmente, pero o auto está xa asinado, segundo dixo María José de Pazo, filla de Francisco de Pazo, o xefe de máquinas do pesqueiro afundido en augas de Terra Nova.
A Fiscalía de Pontevedra abriu de oficio dilixencias co obxectivo de axilizar a declaración de falecemento dos doce desparecidos no naufraxio, para que non fora necesario agardar os 90 días que marca o Código Civil.
A declaración de falecemento é necesaria para realizar diversos trámites entre os que están a xestión das pensións de viudedade ou orfandada ou para os procesos hereditarios.
O Villa de Pitanxo naufragou durante a madrugada do 15 de febreiro en augas canadenses con 24 mariñeiros a bordo, dos que só sobreviviron tres. Foron recuperados os cadáveres de nove tripulantes, os doce restantes continúan desaparecidos.
