Estes son os 26 locais galegos recoñecidos cun Solete na Guía Repsol 2024

A Guía Repsol recoñece cos seus Soletes 26 restaurantes, bares, cafeterías, vinotecas e establecementos de fast good (comida rápida saudable). Forman parte dun total de máis de 300 seleccións en toda España neste 2024.

Por provincias, a repartición destes 26 establecementos galegos é a seguinte: lidera A Coruña, con nove; séguenlle tanto Lugo como Pontevedra, ambas as dúas con sete; e Ourense, con tres.

Os establecementos con este recoñecemento na provincia da Coruña son: os bares O Gato Negro (Santiago), Oliva Bar e Levar (Ferrol) e O Ribeiro (Corcubión); os restaurantes Os Arcos (Betanzos) e Arco da Vella (Fisterra); os locais de fast good Chichalovers (Santiago) e Jumbo H1 (A Coruña); e as vinotecas Casa Ponte e Rodolfus (ambas as dúas na cidade da Coruña).

A lista en Lugo é: os restaurantes Villacol (Cervantes), As Triegas (Folgoso do Courel), Mazo de Santa Comba (Lugo), A Taberna de Montse (Riotorto) e Cantábrico (Lugo); así como as cafeterías La Alianza (Mondoñedo) e Delicias Roasters (Ribadeo).

Os sete recoñecementos en Pontevedra son: o bar Campos (Vilagarcía); a cafetería El Molino (Vigo); ademais dos restaurantes Muíño da Chancha (Meaño); La Viuda (Pontevedra); Besadío (Pazos de Borbén), O Regato Pequeno (Pontevedra) e O Con de Aldán (Cangas).

Mentres, Ourense conta con tres selecciones: os establecementos de fast good Pepinillo (Ourense) e Italia (Verín), xunto ao bar Catador (Ourense).

Guía Repsol seleccionou máis de 300 novos Soletes con arraigamento repartidos por toda España, xa que nesta edición réndese homenaxe á tradición. En total, xa supera os 4.400 distintivos amarelos na súa vocación de chegar a toda a xeografía.

Os Soletes recoñecen o valor de negocios que resistiron o paso dos anos e as modas sen perder encanto e clientela, e apoia tamén a xente nova que arrinca co seu primeiro proxecto. Seguindo esta filosofía, Guía Repsol centrouse nas capitais de provincia de toda España.