Noite con centos de magostos por toda a provincia de Ourense
Noite con centos de magostos por toda a provincia de Ourense
As festas de castañas van ser as protagonistas ata o San Martiño
Viño novo, bica e chourizos completan o menú tradicional
Magostos nos barrios da cidade de Ourense, pero tamén en concellos pequenos como este de Lobeira, de menos de mil habitantes. Todos os veciños colaboran e participan nunha festa na que a fartura é a protagonista.
"Temos tres clases de empanadas, bolos preñados, viño e bicas. E castañas".
"Trouxemos licores que se fan co bullo desta zona".
O ritual da preparación das castañas é o máis importante. Nestes bombos adquiren o punto de asado perfecto e perden a humidade que aínda poidan conservar. Os veciños pasaron moitas horas apañando nelas e agora queren degustalas do mellor xeito posible.
"As castañas collémolas aquí en Lobeira e estámolas preparando coma sempre".
En Ourense cidade, os grupos de amigos, coma estes do barrio da Ponte, reúnense a carón do lume- O menú é moi semellante en todos os magostos coa carne de porco, as castañas, o viño, o licor e a bica.
"Viño hai o que se queira. Pero non se deben facer os chourizos nel".
Esta noite había 11 magostos organizados polos concellos e centos deles veciñais. E mañá e o luns continúa a festa por toda a provincia de Ourense coa sorte, ademais, de que o bo tempo está a acompañar.
