Os alugueiros de verán dispáranse en Galicia por riba dos mil euros á semana

Os alugueiros de verán en Galicia son este ano un 14 % máis caros ca o ano pasado. De media alugar unha vivenda na costa supera os mil euros á semana de media (1.080) nas zonas máis turísticas.

Segundo datos dun informe do Grupo Tecnitasa, esta escalada de prezos na costa galega nótase especialmente dende a pandemia. O estudo tamén determina que a suba no resto de España foi do 10 %.

Iso si, falamos de prezos medios porque o rango é moi amplo dependendo do lugar. Os alugueiros máis caros están na Toxa, onde se pagan en agosto ata 2.900 euros semanais, case 4 veces máis ca os 750 que piden, por exemplo, en Portosín.

Os prezos semanais máis baixos son os da Mariña de Lugo. Alí atopamos alugueiros de 550 euros á semana en Burela ou O Vicedo.