Os aparcadoiros disuasorios teñen cada vez máis usuarios
Os aparcadoiros disuasorios teñen cada vez máis usuarios
Uns dos últimos que entrou en funcionamento está no Morrazo e ten todas as prazas completas acotío
Desde primeira hora da mañá un aparcadoiro de Domaio, no Morrazo, énchese de usuarios que estacionan aquí para compartir vehículo nos seus desprazamentos, a maioría aos seus centros de traballo, noutros concellos da contorna. A iniciativa está a ser un éxito e as súas 75 prazas permanecen completas cada día.
Non é o único do Morrazo, en Moaña hai outro aparcadoiro disuasorio que tamén goza dunha grande acollida. O éxito da medida está nas vantaxes para os condutores que cada día deixan aquí os seus vehículos.
Este tipo de aparcadoiros son unha solución a zonas con moita mobilidade para reducir o uso do coche privado, clave na loita contra o cambio climático, pero tamén para evitar atascos e reducir custos.
