Os carteiros rurais reinvéntanse con novos servizos

Os carteiros rurais afondan no seu perfil de servizo público no rural. A través deles, xa se poden pagar recibos, xestionar servizos de luz ou gas, e mesmo enviar paquetería.

Os cidadáns só terán que pedirlle ao carteiro o produto ou servizo que lles interesa e completar a operación no seu propio domicilio, sen necesidade de ter que desprazarse á oficina postal.

O carteiro no rural é moito máis que un repartidor, e intégrase na vida cotiá dos veciños para que estean máis acompañados.