Os delitos de tráfico medraron despois da pandemia ata cifras nunca vistas
Os delitos de tráfico medraron despois da pandemia ata cifras nunca vistas
No 2022 superáronse por vez primeira as 100.000 condenas, un 30 % máis ca en 2019
Conducir baixo os efectos do alcohol é o delito máis frecuente
A Fiscalía dá a voz de alarma, desde que recuperamos a normalidade a delincuencia ao volante non fixo máis que medrar.
"Co regreso á normalidade parece que esquecemos a concienciación en materia de seguridade viaria que tiñamos aprendida de anos atrás", explica Luis del Río, fiscal xefe de Seguridade Viaria.
O 2022 bateu marcas en infraccións e condenas. Foron máis de 104.000, un 30 % máis ca antes da pandemia e a cifra máis alta en 15 anos.
"Ao saír da pandemia a xuventude saíu a comer o mundo, si".
"Os que ían delinquir vano facer antes ou despois da COVID-19".
"A xente bebe e non respecta nada".
"Cren que a vía é deles, corren coma tolos".
"Hai mozos, pero tamén moitos vellos que beben ao volante", comentan algúns condutores.
Conducir baixo os efectos das drogas ou do alcol é o delito máis frecuente, seguido do de conducir sen un carné válido. Resolver as cuestións de tráfico concentra boa parte da actividade da Xustiza.
"Supoñen un 42 % dos xuízos rápidos que se celebran en España", concreta o fiscal xeral do Estado Álvaro García Ortiz.
Para reducir xuízos, condenas e traxedias, na Fiscalía piden precaución e responsabilidade aos que relaxaron o cumprimento das normas despois da pandemia.