Os expertos, sorprendidos polo derrubamento da ponte en Baltimore

Os expertos observan con estrañeza o sucedido xa que as pontes construídas sobre a auga contan cunhas características especiais que evitan este tipo de accidentes e dos que carecería a ponte de Baltimore.

A falta de protección nos piares resulta aínda máis sorprendente se temos en conta que a ponte está construída sobre unha zona cun intenso tráfico de embarcacións. Aquí en Galicia a ponte de Rande, tamén colgante como a de Baltimore, resistiría o impacto. 

Haberá que agardar polo resultado da investigación para determinar as causas do sinistro. Tamén se investiga o motivo polo que o cargueiro impactou sobre a base da infraestrutura.