O ministro Torres nega "rotundamente" que recibise 50.000 euros da trama Koldo

O ministro de Política Territorial e expresidente das Canarias, Ángel Víctor Torres, negou no Senado que recibira ou pedira 50.000 euros da trama Koldo.

Torres nega ter algún tipo de relación co suposto conseguidor da trama, o empresario Víctor de Aldama, investigado pola Audiencia Nacional, e a preguntas do senador de Vox, Ángel Pelayo Gordillo sobre se recibiu comisións da trama asegurou: "A resposta é un rotundo non".

Torres afirma que "non atopará nunca mensaxes ou chamadas onde eu pedise a ninguén unha comisión". Asegura que "abomina da corrupción" e que "nunca" en toda a súa traxectoria política "cobrou nin un euro por corrupción".

O ministro apela á presunción de inocencia e asegura que estaría disposto a dimitir se alguén demostra o contrario e sinala: "Non vou consentir que me acusen sen probas".

O ministro engadiu que non ten "ningún trato" con Víctor de Aldama, aínda que precisou que iso non quita que poida aparecer unha foto "con esa persoa nun acto público con máis persoas".

"O que teño que dicir con claridade é que eu non teño ningunha relación co señor Aldama, que nin sequera sabe como me chamo", e lembrou que en sede xudicial o presunto conseguidor da trama referiuse a el como 'Víctor Ángel'.

A sesión continúa. Poden seguila a través de G24.ga