Os nacionalistas apoian a campaña para elixir árbore europea do ano o carballo de Conxo

Ana Pontón anima a todos os galegos a votar para que o carballo de Conxo, en Santiago, sexa elixido árbore europea do ano. A voceira nacional do BNG achegouse ata o Bosque do Banquete, onde medra desde hai 250 anos este carballo. Pontón definiu esta árbore histórica como un dos sinais de identidade galega.

"Sumarnos a esta campaña, pedir ese último empuxón, porque creo que sería un orgullo para todos e todas que gañase, e sería un pulo aos valores de liberdade, igualdade, a fraternidade, a defensa do medio ambiente e o orgullo de ser galegos e galegas", dixo Pontón.