Os negocios ao abeiro do Camiño de Santiago dinamizan moitas aldeas

O Camiño de Santiago non é máis que a inspiración para este negocio, situado a poucos metros da ruta francesa. O curioso é que se asenta nunha aldea de apenas sete casas.

Unha mostra de que o Camiño é unha fonte de vida, desde o punto de vista cultural, económico ou social. Son varios os negocios que xorden próximos á ruta.

Hainos vencellados á meditación, pero tamén á arte e aos peregrinos. En Triacastela, unha emprendedora local converteu en hospedaxe unha vivenda sen uso.

É unha oportunidade de promocionar esta aldea, cunha decena de casas e unha igrexa románica que sorprende a quen se achega polo lugar.