Os peliqueiros comezan a impoñer a súa lei no Entroido de Laza
Centos de visitantes achéganse a este concello ourensán para gozar do Entroido
Os peliqueiros saíron ás rúas no seu día de estrea
Xornada previa ao Luns Borralleiro, o da farrapada e as formigas
Día especial en Laza, un dos protagonistas do triángulo máxico do Entroido ourensán. Aínda non recuperados do sábado de cabritadas e da fariñada do sábado, na mañá deste domingo centos de visitantes e oriúndos acudían á presentación oficial dos peliqueiros.
En Laza, a máxima autoridade do seu Entroido é o peliqueiro, que se presentaba oficialmente hoxe. Esta figura, que algúns estudosos remontan a mesmo antes do medievo, impón a súa lei cun látego e movendo as súas chocas, mentres corren o entroido entre os asistentes. E por certo, son intocables.
Degustación de bica, música, charangas e un ambiente festivo son a mellor carta de presentación cun ollo posto xa na xornada do Luns Borralleiro, o da farrapada e as formigas. O Entroido enfía os seus días grandes en Laza, e a diversión e os peliqueiros xa non hai quen os pare.
