Que son os gastos formiga e por que minguan a nosa capacidade de aforro
Que son os gastos formiga e por que minguan a nosa capacidade de aforro
Case o 30 por cento do noso presuposto mensual vaise neses gastos
Para reducilos axuda pagar en efectivo, anotalos nun caderno ou evitar as compras por impulso
Poucos os identifican, pero cando lles falamos deses pequenos gastos que facemos a diario, moitos deles innecesarios, a cousa cambia: "O café diario, o paquete de pipas"; "Os que non se lles dá importancia pero a final de mes supoñen unha cantidade importante" ou "os que non fan falta e a fin de mes suman".
Saber deles é importante, xa que nestes gastos formiga vaise unha parte do noso presuposto mensual. "Ao mellor estámoslles dedicando o 30 ou 40 por cento dos nosos cartos", comenta desde Facua Víctor Muñoz.
Por iso son poucos os que se atreven a sumalos a final de mes. "Non porque se non téñolle que contar a muller cando ando de bares", comenta chanceando un home pola rúa", e outro di que "é mellor non sumar porque é un soldo a final de mes".
Tamén hai quen prefire telos a raia: "Si que os estou sumando porque un café a 1,60 paréceme xa prohibitivo", asegura unha muller.
Hai trucos para reducilos, o principal evitar as compras por impulso Pagar en efectivo ou anotalos nun caderno tamén axuda. Porque comezan sendo gastos inofensivos, pero a final de mes debilitan a nosa capacidade de aforro.
