Tellado esixe un plan de continxencia para apoiar transportistas e produtores

Os populares esíxenlle ao Goberno que poña en marcha un plan de continxencia para apoiar transportistas e produtores. Din que, se a situación actual se alonga, traerá consecuencias graves para os sectores produtivos do país.

"Facemos un chamamento ao Goberno para que actúe de forma decidida, que poña un plan de continxencia que permita aos nosos produtores sacar o seu produto e aos transportistas exercer o seu traballo en condiccións económicas de rendabilidade", dixo Miguel Tellado, secretario xeral do PPdeG.