Os profesores fan quendas para evitar que dous alumnos dun IES de Ferrol sexan acosados por un excompañeiro

En Ferrol agrávase o caso de acoso a dous alumnos dun instituto por parte dun compañeiro. O acosador foi expulsado do centro, pero aínda así segue maltratando os dous rapaces e o Instituto tivo que tomar novas medidas.

Malia que o rapaz acosador foi expulsado do instituto continúa acosando e ameazando a outros dous alumnos, aproveitando que non lle resulta complicado acceder ao centro educativo saltando o valado de acceso ao patio.

Para evitar que cando salta se poida achegar aos rapaces acosados, o centro decidiu tomar novas medidas e son os propios profesores os que protexen os rapaces que se senten ameazados. É a solución de emerxencia que atopou a dirección do IES Concepción Arenal de Ferrol, asignar profesores de garda para escoltar os dous alumnos ameazados

As nais dos afectados presentaron denuncia na comisaría de policía.