Os Reis Magos pasan por todas as casas e deixan moreas de agasallos

Noite de nervios, de ilusión pero ao final os Reis Magos cumpriron e pasaron por todas as casas dos nenos e nenas galegas e deixaron unha morea de regalos. Esta mañá moitos dos máis pequenos madrugaron como nunca porque non podían aguantar a ver o que lles deixaban as súas maxestades.

E, na meirande parte dos casos, os Reis acertaron cos presentes e a rapazada amosaba a súa satisfacción. É unha xornada para xogar e para que os cativos gocen con todos eses agasallos tan ansiados.