Os sindicatos da educación presentan as súas reclamacións divididos

Protesta na educación galega. Os sindicatos presentaron as súas reclamacións por separado. Tras a reunión mantida coa consellería, a CIG convocou unha concentración para denunciar falta de interese na defensa do ensino público e dos dereitos do profesorado.

Mentres, CCOO, ANPE e UXT defenden o acordo ao que chegaron coa Administración. Insisten en que mellorou as condicións do profesorado. Sinalan que só hai dous puntos de discrepancia no número de alumnos nas aulas. En setembro decidirán se toman medidas.