Os traballadores perden ata 400 euros anuais pola inflación
Os traballadores perden ata 400 euros anuais pola inflación
A suba dos salarios, incapaz de seguir o ritmo do incremento dos prezos
A situación económica que se vive en España fai que os traballadores perdan cada vez máis poder adquisitivo. Outubro rematou coa inflación máis alta dos últimos 29 anos e os salarios están moi lonxe de seguir o mesmo ritmo.
Dez meses cos prezos subindo sen descanso xa é notorio nos petos dos españois, e moitos cambian os seus hábitos de consumo.
Os salarios minguaron o poder de compra como consecuencia da inflación. Os expertos calculan que os traballadores españois perden ata 400 euros anuais.
De alongarse a situación os riscos serían importantes cunha ralentización da saída da crise. Os economistas din que a repunta dos prezos ten carácter temporal.
A espiral ascendente da inflación a sofren tamén e os pensionistas e os autónomos. Estes últimos ademais terán que facer fronte a unha nova suba das bases de cotización nun momento moi delicado no que tratan de recuperarse do impacto da pandemia.
