Os tractores abandonan as rúas de Ourense

En Ourense, os agricultores anuncian que retiran os tractores. Tomaron a decisión despois de reunirse co representante do fondo galego de garantía agraria, o organismo que distribúe os fondos europeos agrícolas en Galicia, pero advirten de que haberá novas protestas.

Insisten en que lles resulta imposible cumprir coas normativas impostas dende Bruxelas. Piden que se escoite o sector e que teñan en conta as características específicas do campo galego. A súa intención é constituír unha plataforma agrogandeira que os aglutine a todos para presentar unha fronte unida.