Os tripulantes de cabina de Vueling convocan folgas de novembro a xaneiro

Os tripulantes de cabina de pasaxeiros de Vueling convocaron folgas todo os venres, domingos, luns e festivos entre o 1 de novembro e o 31 de xaneiro, para esixir unha actualización salarial do 13,4 % para 2022.   

Os traballadores están chamados á folga por parte do Sindicato de Tripulantes Auxiliares de Voos de Liñas Aéreas (Stavla), que nun comunicado dixo que a folga é irremediable.   

"O colectivo de tripulantes de cabina de pasaxeiros non pode continuar inmerso na situación de precariedade salarial en que se atopa mentres a empresa alonga no tempo a negociación do convenio colectivo", engadiu o sindicato.

Nun comunicado, a compañía defendeu que "non é momento" de dividirse se non de sumar esforzos para construír o futuro da liña aérea. Consideran que os incrementos salariais reclamados por Stavla son inviables porque suporían a perda da competitividade de Vueling e poderían implicar unha redución do tamaño da compañía e unha necesaria reorganización.

A compañía lembra recordado que xa acordaron incrementar tanto os conceptos fixos como variables do colectivo de tripulantes de cabina nun 6,5 % con efectividade a 1 de xaneiro de 2021, co conseguinte aboamento dos atrasos correspondentes desde xaneiro de 2021.

O pasado mes de agosto, a empresa comprometeuse a unha suba dun 6,5 % dos soldos dos tripulantes de cabina, correspondente á suba do IPC de 2021. A compañía lembra que durante os dous últimos anos o sector da aviación enfrontouse á maior crise da súa historia por mor da pandemia, o que levou a unhas perdas acumuladas de máis de 1.000 millóns e cunha débeda adicional de 260 millóns de euros.