Os vehículos electrificados lideran as vendas en Galicia no que vai de ano

Cada vez son máis os clientes que acoden a un concesionario á busca dun vehículo electrificado. As vendas deste tipo de coches subiron máis dun 35 % no que vai de ano. Mentres baixan as dos vehículos de combustión, diésel e gasolina.

Galicia lidera a suba de matriculacións de coche electrificado. E a única comunidade en que estas vendas superan tanto ao gasóleo coma a gasolina. Con todo, o sector do automóbil segue cun nivel de vendas preocupante. As matriculacións caeron en abril un 12 % en España.

Desde o sector reclaman máis axudas para acelerar o obxectivo de chegar ao 2030 cun volume de tres millóns de vehículos electrificados.