Os xardíns do pazo de Oca amósanse estes días en plena floración

Chegou a primavera e hai lugares que presta visitar. O pazo de Oca, no concello da Estrada, loce xa espectacular. Coa nova estación chegou a floración e chegou tamén novo horario de visitas.

"Hai un rexurdir da natureza e nótase como todo empeza a vivir de novo despois de meses de letargo. É un dos momentos en que maior interese mediático e turístico reclama", di Ignacio Valladares Pernas, xardineiro do Pazo de Oca. 

Tamén conta que "é o momento álxido das azaleas e os rododendros que teñen unha floración espectacular, e empezan os lirios e outros bulbos". O novo horario de visitas é de 10:00 a 14:00 e de 16:00 a 20:00.