Os termómetros subirán en Ourense esta tarde ata 31 graos

Ourense encabeza a recuperación das temperaturas en Galicia neste mertes. Polo litoral norte apenas han chegar aos 20 graos. En Santiago agardan cerca dos 25, pero na cidade das Burgas van superar os 30 ao longo da xornada.

Porque despois duns días que parecía inverno, a calor volve con forza. 31 graos agárdanse para esta tarde, pero ás mañás son frescas, a oscilación térmica supera os 20 graos. E o que a primeira hora vale para abrigarse, serve despois para esquivar o sol.

E quitando pezas de roupa ata quedar en traxe de baño, sen esquecer o protector solar.