Pablo Álvarez, novo astronauta, tras a senda de Pedro Duque e López-Alegría
Pablo Álvarez, novo astronauta, tras a senda de Pedro Duque e López-Alegría
O leonés é un dos novos cinco tripulantes espaciais anunciados pola Axencia Europea do Espazo (ESA)
O club dos astronautas españois conta desde este mércores cunha nova incorporación, Pablo Álvarez Fernández, que se une a Pedro Duque, da Axencia Espacial Europa (ESA), e Miguel López-Alegría da NASA, quen sabe o que é mirar o noso planeta desde o espazo.
A ESA anunciou o nome dos seus cinco novos astronautas de carreira, entre eles o leonés Álvarez-Fernández (1988); doce de reserva, coa tamén leonesa Sara García Alonso (1989), ademais dunha persoa con discapacidade.
Álvarez Fernández é enxeñeiro espacial e é actualmente mánager industrial na sede de Airbus en Xetafe. García Alonso é máster de biotecnoloxía e investigadora do cancro.
Os novos astronautas da ESA asumirán as súas funcións no Centro Europeo de Astronautas en Colonia, Alemaña. Despois de completar o adestramento básico de 12 meses, estarán listos para ingresar á seguinte fase de adestramento da Estación Espacial e, unha vez asignados a unha misión, o seu adestramento adaptarase ás tarefas específicas da misión.
A ESA recibiu máis de 22.500 solicitudes válidas (17.126 homes e 5.397 mulleres) para o posto de astronauta de todos os Estados membros e membros asociados para unirse ao corpo de astronautas europeos en misións á Estación Espacial Internacional e máis alá. Para o posto de astronauta con discapacidade física recibíronse 257 solicitudes.
A nivel europeo, foron convidados á fase final para elixir candidatos un total de 831 homes e 530 mulleres. No caso de España, de 1.341 solicitudes válidas, deles 1.093 homes e 298 mulleres. Un total de 39 homes e 28 mulleres españois foron convidados as fases finais.
