Pepita, unha porca atípica que acompaña o seu dono no paseo cotián

A porca, de nome Pepita, ten uns sete meses e, segundo o dono, pesa uns oitenta quilos. Vive en Ponteceso canda outros animais e, á parte do seu gusto polo baño aínda que a mañá estea fría, a súa conduta ten outra singularidade: acompaña o seu dono a xeito de mascota no paseo cotián.

Explica Ramón, o dono da porquiña que Pepita tamén lle axudou para poder desprazarse nos períodos de confinamento. Reside no municipio de Cabana e ten os animais no concello veciño.

Aínda así, non ten dúbida de que a mascota ten os meses contados. Di que nunca tivo can e, ao respecto, sostén que os porcos superan en intelixencia os cans e relata vivencias con Pepita.