Persecución na Coruña dun condutor drogado e sen carné

Espectacular persecución a alta velocidade polas rúas da Coruña. A Policía Local detivo un condutor dun vehículo sen permiso de conducir e que deu positivo nas probas de alcolemia despois de protagonizar unha persecución polas rúas da cidade.

Sucedeu durante a madrugada do sábado ao domingo. Unha patrulla observou como un turismo perdía o control nunha curva no túnel de María Pita. Os axentes déronlle o alto, pero o coche deuse á fuga.

Na fuxida o condutor circulou en sentido contrario por varias rúas e saltou varios semáforos. Tras perder outra vez o control do vehículo e sufrir un accidente á altura de Vilaboa, lograron a súa detención.

O home deu positivo nas probas de drogas e non conta con ningún tipo de licenza para conducir.