Piden a reapertura dun desvío da N-542 en Betanzos para evitar ter que dar arrodeos
Piden a reapertura dun desvío da N-542 en Betanzos para evitar ter que dar arrodeos
Os veciños do Farragoto queren recuperar o acceso que tiñan antes da última sinalización da estrada de Betanzos ao Mesón de Vento
Coa situación actual tríplicase a distancia que hai desde Betanzos ao lugar en coche
Betanzos está a menos dun quilómetro do punto no que os veciños do Farragoto teñen o desvío que vai ata o lugar desde a nacional 542. Pero cando soben desde a vila non poden facer o xiro porque a última sinalización da estrada non o permite.
"Antigamente podíase subir por aquí, pero hai uns anos viñeron pintar a estrada e puxeron liña continua e non se pode pasar".
Os afectados pediron desde un principio que se modificara a sinalización e acaban de levar de novo a demanda ao Concello de Betanzos.
"Pedimos poder facer un xiro e aquí teñen o espazo suficiente para poder facer calquera acceso porque todo este terreo é de obras públicas".
O Concello trasladoulle á Xunta, que é a responsable da vía, a demanda dos veciños para recuperar o desvío.
Os veciños din que hai moito terreo público dispoñible para buscar unha solución
