Veciños do Temple, na Coruña, piden unha rotonda no acceso á AP-9

Veciños do Temple, no concello coruñés de Cambre, reclaman a instalación dunha rotonda no acceso á autoestrada AP-9 para aliviar a situación nun dos puntos de maior conexión de tráfico da área metropolitana da Coruña.

Os problemas do tráfico e atascos na costa da Tapia prexudican os veciños de Cambre, Oleiros e Culleredo. Un tráfico que se incrementou nesa zona por mor das obras da Nacional VI.

Ao longo de toda esta semana estarán recollendo sinaturas para pedir a construción dunha rotonda no acceso da AP-9 no Temple que axude a alixeirar o tráfico en toda esta zona.