Pili, a mellor fichaxe do Deportivo Liceo de hóckey
Pili, a mellor fichaxe do Deportivo Liceo de hóckey
Pili axúdalle ao encargado de material do equipo
Con moita ilusión, alegría e ganas de demostrar a súa valía, Pili acode catro días á semana, e tamén os sábados cando o Deportivo Liceo de hóckey xoga como local, ao Palacio de Deportes de Riazor, disposta a traballar e sempre moi pendente de todo.
Pili axuda a Fran, que é o encargado do material do equipo. Ela é a encargada de poñer todo en orde nada máis chegar ao pavillón e de facerlles máis sinxelo o traballo aos xogadores.
O capitán do equipo, Dava Torres, foi quen amosou o seu interese para que o club contratase a alguén do programa de emprego da asociación Down Coruña.
Polo seu esforzo, traballo e carácter... Pili converteuse, sen dúbida, na mellor fichaxe do mercado de inverno do Deportivo Liceo.