PP e PSOE desautorizan a moción de censura no concello de Sada

Tanto a dirección do PP da Coruña como a do PSOE desautorizan a moción de censura presentada este venres no concello de Sada. Os concelleiros de ambos partidos uníronse a Alternativa dos Veciños para desbancar o actual alcalde, Benito Portela. Acúsano de falta de transparencia e desidia institucional, entre outros motivos. Propoñen no seu lugar a voceira de Alternativa, que forma parte do Goberno municipal.

As direccións provinciais do PP e do PSOE consideran que non é o momento de presentar esa moción porque só faltan 6 meses para as eleccións municipais.