Praga de moscas na parroquia tomiñesa de Forcadela

Trampas no xardín, tiras adhesivas, insecticidas... O veciños da parroquia de Forcadela, en Tomiño, xa non saben que facer para frear a invasión de moscas que están a sufrir.

A primeira praga sufrírona a finais de xullo, e agora repetiuse. Algúns veciños sospeitan que pode haber relación co esterco que se empregou nun terreo próximo, pero outros rexeitan esa hipótese, porque non o botaran a primeira vez que apareceron as moscas.  

Ata o lugar mesmo foi unha bióloga da Universidade de Vigo tomar mostras, pero polo momento non teñen resposta. Agora agardan que cando chegue o frío, a situación mellore.