A xustiza autoriza a Prensa Ibérica a compra de 'El Correo Gallego' por 1,6 millóns
A xustiza autoriza a Prensa Ibérica a compra de 'El Correo Gallego' por 1,6 millóns
O grupo que adquire a cabeceira compostelá é propietario, entre outros, dos xornais 'Faro de Vigo' e 'La opinión' da Coruña
Sede dos xulgados do Mercantil na Coruña
O xulgado do Mercantil número 2 da Coruña resolveu o proceso concursal da unidade produtiva da empresa Editorial Compostela, propietaria do xornal 'El Correo Gallego', adxudicándollo a oferta presentada polo grupo Prensa Ibérica.
A venda da cabeceira farase por un total de 1.600.000 euros.
📄 O Xulgado do Mercantil número 2 da #Coruña autorizou a venda, por 1.600.000 euros, da unidade produtiva de Editorial #Compostela, empresa matriz do xornal El #Correo Gallego, á entidade Editorial Prensa Ibérica @PrensaIberica @elcorreogallego
— TSXG (@TSXGalicia) November 17, 2022
Prensa Ibérica é propietaria, entre outros, dos xornais 'Faro de Vigo' e 'La opinión' da Coruña. O administrador concursal valorou á hora de adxudicarlle a empresa "o beneficio para os intereses dos acredores" e "como único sistema posible para a continuidade da actividade empresarial".
O xulgado tiña sobre a mesa outra oferta, que foi desestimada, liderada polo empresario compostelán José Ramón García.
.png)
