Presentan en Barcelona o terceiro caso no mundo de curación de VIH con células nai
Presentan en Barcelona o terceiro caso no mundo de curación de VIH con células nai
Leva catro anos sen tratamento e sen pegada do virus
Imaxe de arquivo
O consorcio IciStem, que coordina o Institut de Recerca da Sida IrsiCaixa, presentou nun estudo o terceiro caso de curación da infección polo VIH no mundo.
Trátase dun home de 53 anos do que non se coñece a identidade.
Diagnosticárono en Düsseldorf en 2008. Alí seguiu un tratamento contra o VIH ata que a cantidade de virus se fixo indetectable no sangue.
Catro anos máis tarde sufriu unha leucemia e sometérono a un transplante de medula ósea dun doador cunha mutación que impide ao virus entrar nas células.
Dende entón leva catro anos sen tratamento contra a sida e sen que o VIH volvese aparecer.
O equipo investigador di que aínda pode haber sorpresas, pero que xa hai evidencias que indican que é un caso novo de curación.
O achado publicouse na revista Nature Medicine.
O paciente de Düsseldorf é o terceiro caso de curación tras os pacientes de Berlín e Londres.
Aínda que son os tres únicos casos en que se pode falar de curación, xa se presentou en conferencias científicas a remisión do VIH doutros dous pacientes, o de Nova York e o do Hospital City of Hope situado en Duarte.
