Preséntase Fitur, coa mensaxe de recuperar a normalidade no turismo
Preséntase Fitur, coa mensaxe de recuperar a normalidade no turismo
A organización di que o turismo debe seguir adiante adaptándose á pandemia
Estarán presentes 107 países e non faltará a presenza destacada de Galicia
O mellor escaparate para promocionar o segundo ano do Xacobeo
A vindeira semana celébrase en Madrid, Fitur, a Feira Internacional do Turismo. Volve á súa data habitual no mes de xaneiro despois de que o ano pasado se celebrara en maio.
E volve este evento, un dos máis importantes no mundo do turismo, facendo un chamamento á necesidade de recuperar a normalidade.
A organización de Fitur quere lanzar a mensaxe de que o turismo debe seguir adiante adaptándose a vivir coa actual situación.
Este ano estarán presentes 107 países e non faltará a presenza destacada de Galicia, cun espazo de máis de mil metros cadrados e ofrecendo un destino aberto a todo o mundo aproveitando o segundo ano do Xacobeo.
Será un Fitur marcado outra vez por unhas rigorosas medidas sanitarias: esixirase para entrar certificado covid para os cidadáns de países que se acollen a este certificado.
Para terceiros países pedirase o requisito vixente nese momento para entrar en España. Outra opción para acceder a Fitur será a presentación dun test negativo realizado nas 24 horas anteriores.
