Primeira fin de semana sen voos en Alvedro polas obras de renovación da pista

Esta é a primeira fin de semana das catro que vai estar inactivo o aeroporto de Alvedro por mor das obras que se están a realizar nel.

Os traballos céntranse, polo momento, na renovación do pavimento e do sistema de iluminación no campo de voos.

A maiores tamén se vai construír unha plataforma de xiro que lles permitirá ás aeronaves aforrar máis de tres mil quilómetros de percorrido pola pista ao ano.

As obras custarán once millóns de euros e estarán completadas no primeiro cuadrimestre do ano 2023.