Primeiras comparecencias ante o xuíz polos incendios en dúas discotecas en Murcia

O dono da máquina de fogo frío que a Policía Xudicial considera como a orixe do lume nas dúas discotecas de Murcia foi o primeiro dos seis investigados en comparecer perante a xuíza que instrúe o caso. Alfonso G.  asegurou este martes en sede  xudicial que só el manipulou a máquina e que a levou á Teatre de maneira altruísta, sen ningún tipo de contraprestación económica. 

Ás preguntas da xuíza, o investigado recoñeceu que xa usara con anterioridade o aparello, pero da súa declaración despréndese que non tiña coñecementos das súas características técnicas nin coñecía as instrucións do combustible. 

Segundo os investigadores, o detonante foi unha manipulación imprudente dunha máquina de frío con material pirotécnico que pode verse nas imaxes da noite do suceso na discoteca Teatre. Isto orixinou un incendio que se expandiu ao local contiguo. 

Este martes tamén declarou perante a xuíza o DJ que organizou a festa. Outros catro investigados comparecerán ante a xuíza ata o 13 de febreiro. Todos eles enfróntanse a penas de ata nove anos de cárcere por trece posibles delitos e homicidio imprudente.