Prisión sen fianza para o octoxenario de Nigrán que atacou un veciño
Prisión sen fianza para o octoxenario de Nigrán que atacou un veciño
Recriminoulle o consumo de auga para lavar un vehículo e atacouno cun coitelo
O home de 86 anos está condenado por un delito de tentativa de homicidio
![](https://img-g24-crtvg.flumotion.com/prog24/2022/20220512/octoxenarionigran.png)
Un xulgado vigués decretou prisión comunicada e sen fianza para o octoxenario de Nigrán que o pasado mércores atacou un veciño cun coitelo despois dunha discusión por malgastar auga.
O home, de 86 anos, foi arrestado por axentes da Garda Civil como presunto autor dun delito de tentativa de homicidio.
As primeiras pescudas apuntan a que o agresor mantivo unha discusión co seu veciño, ao que recriminou o consumo de auga para lavar un vehículo. Nese contexto foi por un coitelo e atacouno.
A vítima sufriu cortes en varias zonas do corpo, os máis profundos nun brazo, polo que foi evacuado a un Punto de Atención Continuada, e posteriormente ao Hospital Álvaro Cunqueiro.
O presunto agresor foi detido e trasladado ao cuartel da Garda Civil de Baiona, onde foi posto a disposición xudicial.