Éxito na liquidación de lácteos na Casa Grande de Xanceda

Máis consecuencias da folga de transportes. Esta foi fin de semana de mercado na Casa Grande de Xanceda para darlle saída aos produtos almacenados durante o paro dos transportistas. Había que rexistrarse para acudir e, en tres horas esgotaron a cabida: anotouse máis dun milleiro de persoas

"Moitísimas grazas por virnos visitar neste momento e polo voso apoio

É o recibimento aos visitantes nesta granxa do concello de Mesía onde hoxe e mañá hai un mercado. A folga de transporte deixoulles o almacén cheo de produtos lácteos por valor duns cen mil euros e organizaron unha promoción para que non se botaran a perder.

"Non puidemos distribuír os iogures nas tendas e supermercados así que os nosos almacéns estaban cheos e necesitamos sacar ese produto para non ter que tomar unhas decisións máis drásticas.A convocatoria acadou tal éxito que en tres horas se apuntaron unhas 1.500 persoas que completaron a cabida.

"Xa coñecemos estes produtos, sobre todo os nenos que os consumen, e (viñemos) por ensinarles a eles todo este."

"Completamos o rexistros, non temos máis aforo e temos que pedir que por favor non acuda a xente á Casa Grande de Xanceda hoxe se non ten a súa praza confirmada."

Ademais de mercar os produtos da graxa pódese ver a sala de ordeño e hai actividades para desfrute dos máis pequenos. Esta fin de semana é especial pero o resto do ano organízanse visitas guiadas para coñecer como funciona unha explotación ecolóxica.