Puigdemont avisa o PSOE de que continuarán co proceso de independencia tras aprobarse a amnistía
Puigdemont avisa o PSOE de que continuarán co proceso de independencia tras aprobarse a amnistía
Advirte que agora queren negociar peza a peza os orzamentos e o dereito de autodeterminación
O expresidente da Generalitat e eurodeputado de Junts Carles Puigdemont agradeceu a disposición do PSOE para pactar a lei de amnistía e advertiu de que a súa aprobación permitirá "continuar o proceso de independencia".
"Temos todo o dereito a continuar co proceso de independencia, a facer política e a exercer os nosos dereitos sen ser violentados polas estruturas de Estado", defendeu nun apuntamento en X.
Amb l'aprovació de la Llei d'Amnistia a la comissió de Justícia del Congrés espanyol, avui s'ha fet un pas molt important per acabar amb la repressió contra el procés d'independència. Un procés legítim, democràtic, no-violent, que l'Estat espanyol combat d'una manera inacceptable…
— krls.eth / Carles Puigdemont (@KRLS) March 7, 2024
Tamén avisou o Goberno de que, tras o pacto pola amnistía, non pode dar nada por aprobado e dixo que agora toca negociar peza a peza, "desde os orzamentos ao recoñecemento nacional e o exercicio do dereito á autodeterminación".
Asegurou: "Coa aprobación da lei de amnistía na comisión de Xustiza do Congreso español, deuse un paso moi importante para acabar coa represión contra o proceso de independencia".
Para Puigdemont, o proceso independentista é lexítimo, democrático e non violento, e criticou que o Estado o combata "dunha forma inaceptable e incompatible co Estado de dereito".
Así mesmo, afirmou que a lei a amnistía reverterá a situación de "represión" contra o independentismo dunha forma que os indultos non poderían garantir de ningún xeito.
Sen interferencia da "xustiza patriótica"
Puigdemont sostivo que o acordo para a lei de amnistía era unha das condicións para poder ter unha relación cos partidos do Goberno "sen a interferencia da xudicatura patriótica" e para poder traballar e avanzar no marco que acordaron para a investidura do presidente Pedro Sánchez.
Por último, agradeceu os esforzos do equipo negociador de Junts e a "disposición" do PSOE para introducir na lei as melloras necesarias para resolver as dúbidas e temores que os levaron a votar en contra da proposta inicial.
