Llarena estuda se lle levanta a Puigdemont a orde de detención pola lei de amnistía
Llarena estuda se lle levanta a Puigdemont a orde de detención pola lei de amnistía
A Fiscalía di que cabe aplicar a amnistía tanto na causa do procés coma no caso Tsunami Democràtic
O partido chegou ao momento crucial. As cartas están xa todas boca arriba. A política fixo o seu traballo (lei de amnistía) e a fiscalía presentou o seu informe. O regreso de Puigdemont a España está agora nas mans do Supremo e máis concretamente nas do maxistrado Pablo Llarena.
A decisión máis inmediata que debe tomar e se levanta ou non a orde de detención contra o expresidente fuxido. Diso depende que poida asistir de forma presencial a unha hipotética investidura. Se non o fai, sempre podería votar telematicamente, porque así o decidiu o Tribunal Constitucional.
Un segundo paso é pronunciarse sobre se cabe aplicarlle a lei de amnistía a todos os delitos da causa do procés, incluída a malversación. A Fiscalía defende que si, porque "non houbo ánimo de lucro". O viacrucis de Puigdemont no Supremo non remata aí. Quédalle un segundo procedemento aberto, o caso Tsunami Democràtic.
E aquí a Fiscalía tamén está do seu lado. Nun informe que só asinou a tenente fiscal do Supremo mantén os actos investigados por terrorismo non reúnen a gravidade suficiente para quedar fóra da amnistía.
.png)
