Que facer esta fin de semana

Non tes claro que facer esta fin de semana? Aquí che traemos unha breve axenda de festas e concertos polo país:

Citas gastronómicas

• Festa da Empanada en Allariz. Dende este venres 18 ao domingo 20, Allariz terá degustación de empanada, concertos e ata concursos.

• Festa da Empanada de Bandeira (Silleda). Outra das citas grandes coa empanada do país está no Deza esta fin de semana.

• Festa da Carne ao Caldeiro en Remourelle (Ribadeo). O sábado 19 os amantes da carne ao caldeiro teñen cita en Remourelle.

• Festa da Ameixa do Carril (Vilagarcía). Se es máis de mar que de terra, o teu lugar é Vilagarcía coas súas ameixas.

• Festa da Augardente do Condado en Arbo. Prefires ir polo sur e quecer a gorxa? Anota: augardente de Arbo.

• Festa da Anguía e a Caña en Valga. Queres saír do cotián? En Valga podes probar anguía e acompañala cunha cervexa fresca.

• Festa da Queimada en Cervo. Dende as 10:00, bebida e tradición conxúganse en Cervo en honra á súa queimada.

Disfraces e Entroido

• Batallas das Flores en Pontevedra. Este venres 18, Pontevedra rebordará pétalos e diversión para os máis pequenos e os non tan pequenos.

• Entroido de Verán en Redondela. As rúas da vila énchense este sábado 19 de cores e música polo seu entroido estival ao ritmo de La Quinkillada e Ortiga.

Festas con historia e tradición

• Os Caneiros en Betanzos. As embarcacións bótanse ao río Mandeo en Betanzos este venres 18.

• Festival Irmandiño en Moeche. Dende este venres comeza a conmemoración do movemento irmandiño de 1431 en Moeche.

• Festa do Gaiteiro en Soutelo de Montes (Forcarei). A ritmo de muiñeira vibrarán polo Tabeirós este sábado nesta homenaxe ao gaiteiro.

• Festa do Esquecemento en Xinzo. Romanos, música, artesanía e moito espectáculo en Xinzo nesta fin de semana.

• Festa do Miño (Tui). Tradicional descenso popular dende a Ribeira de Caldelas ás 16:00 e festa gastronómica ás 20:00. Este sábado en Tui.

• Festa da Malla en Doade (Lalín). Tamén con artesanía, comida e recreacións vibrarán por Lalín con esta festa de Interese Turístico Galego todo o sábado 19.

Concertos e festivais

• Vanessa Martín nas Festas da Peregrina (Pontevedra). Sábado 19 ás 22:30.

• David Guetta en Castrelos (Vigo). Domingo 20 ás 22:00.

• Rayden nas Festas da Peregrina (Pontevedra). Domingo 20 ás 22:30.

• Efecto Mariposa en Ferrol. Domingo 20 ás 22:00.

• Trece Roeis Fest (Pantón)

  • Venres: Reincidentes, Kaotiko, Lamatumbá, Catuxa Salom e Lucía Aldao.

  • Sábado: Benito Kamelas, Tribade, Sofía Espiñeira, Tregua e Festicultores Troupe.