Rebentan os retrovisores de varios vehículos estacionados no centro de Lalín

Varios vehículos amenceron cos espellos retrovisores rebentados en Lalín. A Policía Local descubriu a desfeita nunha patrulla rutineira. Contaron cinco vehículos co espello colgando, e algún máis co retrovisor manipulado. Todos estaban estacionados na rúa Molinera, unha zona tranquila -din os veciños- no centro da cidade. 

De momento só unha das vítimas presentou denuncia. Fíxoo na Policía Local onde, como na Garda Civil, agardan que poidan formalizarse outras denuncias por eses danos nos próximos días.